Dekhu mein aaj...

In the 3rd week of Jan - 2011, God inspired me to translate a Malayalam song - "Kaanunnu njan vishwasathal" into Hindi and compose it... This is for our Lord and Savior - Jesus Christ, who is the author of our faith.

-------------------

Dekhu mein aaj Vishwas ke saath
Mere aage lal samudra do bhaag hoga. (2)
Andekhi baaton ko aankhon ke aage rakh kar,
Vishwas karunga prabhu pe sarvada. (2)

Yeriho ke deewarein mere aage ho bhi tho,
Uski unchaai mujhe naa rokegi. (2)
Milkar hum saath mein aawaaz utthayenge,
Chaudi deewarein dham se gir jaayegi. (2)

Dekhu mein aaj...

Chaar din ka ho badan, badi ho usmein durgandh,
Phir bhi aayega Yeshu jilaane ko. (2)
Vishwas karenge us par, mahima ko dekhenge,
Shaitaani chaal ko dha denge hum. (2)

Dekhu mein aaj...

Agnee ke sholey, Paani ke lehrein,
Mujhe naash karne mein asamarth hein. (2)
Aaag mein uthrenge, Paani par chalenge,
Saath dega hamara pyara prabhu. (2)

Dekhu mein aaj...